Финансист №2 (42) 2026

Freedom Holding Corp. Freedom Inside ’26 форумын өткізді

Бұл шара компанияның цифрлық экожүйесі тарихындағы ең ірі шара болды, шамамен 3 мың қонақ пен 30-дан астам сыртқы сарапшыны жинады. Freedom Holding Corp. топ-менеджерлері топтың банктік, брокерлік, сақтандыру және lifestyle-сервистер саласындағы соңғы жылдардағы жетістіктері туралы айтып, халықаралық экспансия стратегиясымен және жаңа жобалармен бөлісті. Сондай-ақ. холдинг жетекшілері сервистерді бірыңғай цифрлық платформаға біріктіруге бағытталған экожүйені дамыту жөніндегі жаңартылған стратегияны ұсынды.

Фото: Freedom Holding Corp.баспасөз қызметі

 

Moody’s «Фридом Банк Қазақстан» АҚ-қа тұрақты рейтинг берді

«Фридом Банк Қазақстан» АҚ Moody’s-тен тұрақты болжаммен Ba3 деңгейіндегі ұзақ мерзімді депозиттік рейтинг алды – бұл халықаралық рейтингтік агенттіктердің үздік үштігінің бірі.

Талдаушылар банктің тұрақты бизнес-моделін, бөлшек несиелеудің өсуін және құбылмалы табыстарға тәуелділіктің төмендеуін атап өтті. Негізгі кредиттік қабілеттілік бағасы b1 деңгейінде белгіленді.

Moody’s рейтингі – Freedom-ның халықаралық деңгейде мойындалуы және банктің нарықтағы позицияларын нығайтып, бизнес-моделінің барған сайын тұрақтана түскенін растайды.

S&P Freedom Holding Corp. және оның еншілес компанияларының рейтингтерін растады

Freedom Holding Corp.-тың ұзақ мерзімді кредиттік рейтингі тұрақты болжаммен B- деңгейінде қалды. «Фридом Финанс» АҚ, Freedom Finance Europe Ltd., Freedom Finance Global PLC және «Фридом Банк Қазақстан» АҚ рейтингтері B+/B деңгейлерінде («позитивті» болжам) бекітілді. Қазақстанның ұлттық шкаласы бойынша ұзақ мерзімді рейтингтер kzBBB+ деңгейінде сақталды.

Ірі рейтингтік агенттіктердің бірі S&P Global Ratings тәуекел-менеджмент жүйесінің жақсарғанын, клиенттік базаның өскенін және экожүйе ішінде кросс-сату бағыттарының дамығанын атап өтті.

Freedom Holding KASE облигациялар нарығында көшбасшы деп танылды

Қазақстан қор биржасы (KASE) Freedom Finance Global PLC-ті қарыз құралдарымен жасалған мәмілелердің көлемі мен саны бойынша ең жоғары көрсеткіш үшін марапаттады. 2025 жылдың қорытындысы бойынша нарық қатысушыларын марапаттау рәсімінде холдинг корпоративтік және мемлекеттік облигациялар сегментінде көшбасшы деп танылды. KASE жыл сайын Қазақстанның қаржы нарығын дамытуға үлес қосқан компанияларды атап өтеді.

Freedom экожүйесі Армения мен Францияда пайда болуы мүмкін

Холдинг Еуропаға және бірқатар ТМД елдеріне экспансия жасауды жоспарлап отыр. Атап айтқанда, компания Арменияда банк сатып алу мүмкіндігін қарастыруда. Freedom Finance Europe атқарушы директоры Евгений Тяпкин холдингтің еуропалық елдерде цифрлық қаржылық қызметтер жүйесін құруға ұмтылып отырғанын, соның ішінде Францияда банктік лицензия алу мүмкіндігін зерттеп жатқанын хабарлады. Бұл жүзеге асқан жағдайда, холдинг еуропалық клиенттерге депозиттер, кредиттеу және капиталды басқару сияқты дәстүрлі банктік өнімдерді ұсына алады.

Arbuz.kz Қазақстанда жеткізу географиясын кеңейтуде

Freedom экожүйесіне кіретін онлайн-супермаркет Arbuz.kz жеткізу қызметін Шымкентте іске қосады. Бұл қызмет қолжетімді болатын төртінші қала – Алматы, Астана және Қарағандыдан кейін Шымкент болмақ. Компания басшылығының айтуынша, жаңа клиенттердің негізгі бөлігі өңір пайдаланушыларынан қалыптасады.

Фото: Freedom Holding Corp.баспасөз қызметі