Инвестициялық шолу №338. Вектор ауысымы

DFM General Index, динамикасы, 1 жыл

 

Abu Dhabi Securities Exchange index, 1 жыл

 

 

Кірістілігі, форвардтық мөлшерлеме 1м10л, БАӘ, 1 жыл

 

 

Brent маркалы мұнай, 1 жыл

 

 

26 қаңтар мен 9 ақпан аралығында Dubai Financial Market (DFM) индексі 5,1% ға өсіп, 6774 пунктке жетті. Abu Dhabi Securities Exchange (ADI) 3,6% ға көтеріліп, 10 629 пунктке дейін өсті. Ал дәл осы кезеңде АҚШ тың негізгі S&P 500 бенчмаркі небәрі 0,2% ға ғана артты. Иран төңірегіндегі белгісіздік Brent маркалы мұнайдың 1,9% ға қымбаттап, барреліне 69 доллар болуына себеп болды. Әмірліктердің қор индекстеріне Абу Дабидің үшінші тоқсандағы ЖІӨ көрсеткіштерінің жариялануы қолдау көрсетті: бұл көрсеткіш 7,7% ға өсті, ал экономиканың негізгі оң драйвері мұнайдан тыс сектор болды (құрылыс және қаржы, +7,6%), оның жалпы көрсеткішке қосқан үлесі 54% ға жетті.

Соңғы екі аптаның өсім лидерлері жылжымайтын мүлік индустриясы болды (+9,04%). Оған рекордтық қаржылық нәтижелер мен жер қорларының кеңеюі ықпал етті. Таза пайданың 36% ға өсіп, шамамен $2,4 млрд қа жеткенін тіркеген есептің жариялануы және Dubai Holding пен $10 млрд көлемінде бірлескен кәсіпорынды кеңейту туралы хабарландыру аясында Aldar Properties акциялары 15,9% ға қарыштап өсті. Ал Emaar Properties котировкалары 10,44% ға көтерілді, бұл — қаңтар айында көлемі $19 млрд қа жуықтаған Дубайдағы рекордтық сатылымдар туралы мәліметтер шыққаннан кейін болды.

Маңызды тұтыну тауарлары секторында орташа өсім 7,51% болды. Бұл жерде алдыңғы қатарлы динамиканы Americana Restaurants (+16,87%) көрсетті, өйткені эмитенттің 2025 жылғы таза пайдасы 38% ға өсіп, $219,1 млн ға, ал табыс 11% ға артып, $2,51 млрд қа жетті. Компанияның қоғамдық тамақтану орындары желісі 159 нүктеге кеңейді. Сонымен қатар, $201,6 млн (бір акцияға шамамен ~$0,024) мөлшерінде дивидендтер жарияланды.

Коммуналдық қызметтер жеткізушілерінің акциялары орта есеппен 6,12% ға өсті. Abu Dhabi National Energy Co. (TAQA) котировкаларының 8,62% ға көтерілуіне қорғаныс активтеріне деген қызығушылық пен тұрақты дивидендтік төлемдер себеп болды.

Қаржы секторында (+2,9%) раллиді Abu Dhabi Islamic Bank (+12,99%) және Emirates NBD (+8,21%) бастады.

БАӘ қазынашылық облигацияларының кірістілігі 17 базистік тармаққа төмендеп, 5,02% болды, ал АҚШ қазынашылық облигацияларының кірістілігі 3 б.п.-қа төмендеп, 4,33% деңгейіне жетті. Екеуінің арасындағы спред 69 б.п.-қа дейін қысқарды. Бұл ликвидтіліктің артуы мен инвесторлардың Әмірліктердің қаржы жүйесіне деген сенімінің күшеюін көрсетеді. Еске сала кетсек, жергілікті орталық банк ФРЖ-ның монетарлық саясатын импорттайды, сондықтан ұзақ мерзімді орташа деңгей айналасындағы ауытқулар да қалыпты құбылыс болып саналады.

Экономика жаңалықтары 

• Абу-Даби экономикасы тұрақтылығын көрсетуді жалғастыруда. Үшінші тоқсанда ең жоғары өсім құрылыс секторында (+13,9%) және жылжымайтын мүлік секторында (+13,1%) тіркелді.
• Дүниежүзілік банк пен BMI (Fitch Solutions) мұнай өндіру көлемінің ОПЕК+ аясында қалпына келуі және мұнайдан тыс сектордың белсенді дамуын ескере отырып, Әмірліктердің ЖІӨ өсімі бойынша болжамды 5–5,6% деңгейіне дейін көтерді.
• Көмірсутектер жеткізілімдерімен байланысты емес БАӘ-нің сыртқы сауда көлемі $1,03 трлн деңгейіндегі тарихи максимумға жетті, бұл елдің экономикасын әртараптандыру стратегиясының сәтті жүзеге асып жатқанын растайды.
• БАӘ Орталық банкі (CBUAE) ФРЖ ның шешіміне ілесе отырып, базалық мөлшерлемені 3,65% деңгейінде сақтап қалды, сондай ақ ұлттық валютаның жаңа символын таныстырып, цифрлық облигациялар шығару платформасын іске қосты, бұл қаржы нарығының технологиялық тартымдылығын арттыра түседі.
• Абу-Даби эмираты мемлекеттік холдингтік қор ADQ ды жаңа егеменді қор — L’imad қа біріктіруде, оның жиынтық активтері $263 млрд көлемінде. L’imad периметріне бұған дейін бірнеше құрылым арасында бөлінген Абу Дабидің инфрақұрылым, энергетика, логистика, қаржы және өнеркәсіп салаларындағы стратегиялық активтері кіреді. Қорды мұрагер ханзада шейх Халед бин Мұхаммад Әл Нахайян басқарады, бұл оның мемлекеттік инвестициялық стратегияның негізгі кураторы ретіндегі рөлін институционаландырады. Реструктуризация эмираттың Mubadala және ADIA сияқты егеменді қорлары арасындағы үйлестіруді күшейтіп, капиталды бір орталықтан басқару деңгейінде шешім қабылдау икемділігін арттырады.

Компания жаңалықтары

• Aldar Properties 2025 жылды шамамен $6,27 млрд табыспен қорытындылап, таза пайдасын 36% жылдық өсіммен $2,4 млрд қа жеткізді. Мемлекеттік тапсырыстарды қоса алғандағы жұмыстағы жобалар портфелінің (backlog) құны $45,5 млрд қа жақындады. Бұл алдағы үш-бес жылда кірістердің тұрақты траекториясын болжауға мүмкіндік береді.
• Emirates NBD (ENBD) салық салынғанға дейінгі табысты $8,1 млрд тан аса деңгейге жеткізіп, рекорд орнатты (+10% жылдық өсім). Директорлар кеңесі акцияға шамамен $0,272 дивиденд төлеуді ұсынды. Күшті қаржылық нәтижелер кредиттік портфельдің ұлғаюы және Үндістанда инвестициялық банктік қызметке лицензия алу арқылы нарықтағы қатысудың кеңеюімен қамтамасыз етілді.
• Abu Dhabi Islamic Bank (ADIB) таза пайдасын 16%-ға өсіріп, $1,93 млрд қа жеткізді және акцияға шамамен $0,264 дивиденд жариялады (яғни пайданы бөлудің 50%-ы акционерлерге таратылады). Есеп беру нәтижелері банктің өңірдегі ең тиімді қаржы институттарының бірі екенін растады: меншікті капиталдың рентабельдігі (ROE) 29% деңгейінде.

Алдағы екі аптадағы күтулер

Иран факторы мұнай бағасына айтарлықтай белгісіздік тудырып отыр. АҚШ тың әскери қатерлері жүзеге асқан жағдайда, мұнай котировкалары қысқа мерзімде өсу серпінін көрсетуі мүмкін.

ОАЭ нарығындағы техникалық көрініс трендтің сенімді өзгерісін көрсетеді. DFM индексінің котировкалары 50 күндік және 200 күндік сырғымалы орташалардан жоғары көтерілді, ал қаңтардағы қолайсыз геосаяси оқиғаларға байланысты орын алған төмендеу толықтай өтелді. Бенчмарк қазір белсенді өсу фазасында, әрі психологиялық тұрғыдан маңызды 6800 пункт деңгейіне қарай бет алып келеді.

ADI индексі де айқын «бұқа» импульсті көрсетіп, негізгі сырғымалы орташалардан жоғары саудалануда. Алайда екі индекстің де RSI көрсеткіші 75-тен жоғары, яғни перекупленность аймағына жақындағанын атап өткен жөн. Бұл алдағы сессияларда қысқа мерзімді техникалық түзетуге немесе консолидация кезеңіне алып келуі мүмкін. Соған қарамастан, бұл қозғалыс орта және ұзақ мерзімді өрлеуші трендке қауіп төндірмейді, керісінше, ары қарайғы жоғары серпін үшін табиғи кідіріс ретінде қарастырылуы мүмкін.