Адамдардың кешкілікті үйреншікті әдеттері  –  сериалдар көру, серуендеу, достармен кездесу болса, қазір оған білім ғана емес, сондай-ақ рахат сезім әкелетін онлайн-оқыту қосылды. Адамдардың көбісі өз бетінше білім алуды: тілдерді үйрену, фото шеберлігін меңгер, бағдарламалау дағдыларын машықтануды таңдауда.

Онлайн-білім беру алыптары

Coursera (COUR), Udemy (UDMY) және Duolingo (DUOL) сияқты платформалар оқытуды қызықты үдеріске айналдырады. Бұл онлайн-білім беру қызметтері секторының жетекші ойыншыларының бірі.

Coursera бастапқыда университеттік курстардың алаңы болды. Қазіргі уақытта оның базасында 168 млн тіркелген пайдаланушы бар. 2024 жылы компанияның түсімі жылына 9% -ға артып, $695 млн. жетті. Менеджмент Coursera Plus жазылымын ұсына отырып, сондай-ақ алған білімін растайтын дипломдар мен сертификаттарды ұсына отырып, тегін пайдаланушыларды ақылы пайдаланушыларға ауыстыруды көздеуде.

Udemy оқыту бағдарламаларын жасауға және сатуға мүмкіндік беретін платформаны ұсынады. Қазір олардың жалпы саны 250 мың, ал студенттер саны – 77 млн. Олар шет тілдерін, маркетингті, бағдарламалауды, тұлғалық өсу практикасын үйренеді. 2024 жылғы түсім $786 млн. құрады. Негізгі табыс көзі –  бизнес-сегмент: корпоративтік клиенттер және компаниялар үшін жазылымдар. Алайда платформада жеке тұлғалар да бар. Олар үшін оқу құны шамамен $20 басталады.

Белгілі Duolingo тілдерді үйрену ресурсының айына 116,7 млн белсенді пайдаланушысы және 9,5 млн ақылы жазылушысы бар. 2024 жылғы түсім $748 млн. құрады. Оқыту ойынға негізделеді: тапсырмалар, балл және деңгейлер назарды ұстап, оқуға ынталандырады. Платформа белсенді дамуда: Duolingo Music (музыка негіздерін оқыту) және Duolingo Math (базалық математиканы үйренуге арналған тренажер) сервистері, сондай-ақ шет тілінде қарым-қатынас жасау дағдыларын жетілдіруге және қателермен жұмыс істеуге болатын GPT-4 базасында чат пайда болды.

Тағы бір шағын, бірақ танымал білім беру платформасы – MasterClass – атақты тұлғаларға басымдық береді: мұнда Гордон Рамзи, Натали Портман, Кевин Спейси және басқа да танымал тұлғалар сабақ береді. Негізгі өнім – бейнекурстар. Мысалы, композитор, Кристофер Ноланның фильмдеріне және жаңа «Дюнаға» арналған саундтректердің авторы Ханс Циммер музыка жасау бойынша 30-дан астам сабақ ұсынады. 2024 жылға қарай жазылушылар саны 2 миллионға жетті.

ЖИ тьютор* ретінде

Генеративтік AI базасында ChatGPT, Claude және Gemini сияқты құралдардың пайда болуымен білім берудің жаңа тәсілдері пайда болды. Чат-боттар дербес репетиторлардың рөлін табысты атқарады: олар пайдаланушының білімі мен қажеттіліктерін ескере отырып, материалды береді және нақты уақытта кері байланысты қамтамасыз етеді. Егер тақырып басынан бастап түсінікті болмаса, АИ көмекшісі оны оқушыға қаншалықты қажет болса, сонша түсіндіреді. Бұл оқудан жалығудан әрі сәтсіздіктен шаршаудан сақтайды және зор ынтамен оқуға көмектеседі.

Udemy қазірдің өзінде мазмұнды таңдауға және күрделі тақырыптарды түсіндіруге көмектесетін ассистентті тестілеуде. Coursera сондай-ақ оқыту және білімді тексеру үшін AI енгізеді.

*Тьютор – жеке оқытушы

Сәннен трендке қарай

The Business Research Private зерттеу компаниясының болжамы бойынша сандық білім нарығының көлемі 2024 жылы $28,48 млрд-тан 2025 жылы $38 млрд-қа дейін өседі. Орташа жылдық өсу қарқыны 33,2% -ға бағаланып отыр, ал 2029 жылға қарай нарық $119 млрд. жетуі мүмкін.

Инвесторлар онлайн-білім беруге деген қызығушылықтың артуын уақытша тренд емес, стримингтік сервистер мен маркетплейстер секілді тұрақты бағыт ретінде қарастырады. Болашақ – тереңірек әрі дараланған білім беру форматтарында. Елестетіңіз: сіз VR-көзілдірігін киесіз де, бір сәтте Studio Ghibli студиясына тап боласыз – сол жерде «Менің көршім Тоторо» мультфильмін жасау барысын ағылшын тілінде сөйлейтін аниматорлармен бірге талқылап отырсыз. Ғажап па? Бұдан кейін ол таңданарлық нәрсе емес. Тілді осындай форматта тәжірибе жүзінде қолдану мүмкіндігі жақын арада қолжетімді болуы әбден мүмкін.