Финансист №4 (28) 2022

Coca-Cola-ның атышулы «Бізге мереке келеді» жарнама ролигіндегі газ сусынын әкеле жатқан анық жарқыраған қызыл жүк көліктері керуені 20 жылдан астам уақыт келе жатқан Рождество мен Жаңа жылдың нышаны болып келеді.

Америкалық корпорация өзінің жолбасшылық брендіне соншалық сәтті бейнені қалай жасап алған?

Санта: бастаулар

Шолақ қызыл тон мен қалпақ киіп, бұғы жегілген арбаның тізгінін ұстаған Санта-Клаустың бейнесінің Уолт Дисней студиясында ойлап табылмағанын немесе халық ауыз әдебиетінінен алынбағанын білетіндер аз. Бұл америкалық суретші Хэддон Сандбломның 1931 жылы Coca-Cola (KO)-ның тапсырысымен жасаған шығармасы.

Корпорацияға өзінің әдеттегі сыйлықтарды қаптап, үлестіру ісімен шұғылданатын, жолшыбай газды сусынды рахаттана ішетін Санта-Клаус туралы қалжыңдар топтамасы үшін көрнекті кейіпкер қажет болды. Coca-Cola-ның нарықтанушылары әдетте салқындатылған сусындарға сұраныс азаятын қыс мезгілінде өзінің жолбасшылық брендінің сатылымдарын қолдау үшін жарнамада Санта-Клаустың бейнесін пайдалануды ойлап тапты.

Жарнама орасан табысқа ие болып, кока-кола жаңа жылдық және рожедстволық дастарханның ажырамас атрибутына айналды, ал жарнамадағы Санта-Клаус әуелі америкалық, кейіннен әлемдік бұқаралық мәдениет кейіпкеріне айналды.

Аңыздың қайта тірілуі

1990-жылдардың басында Coca-Cola өзі үшін жаңа Шығыс Еуропа және кеңес үкіметінен кейінгі кеңістік нарықтарын игере бастады. Табысты түрде ілгерілеу үшін есте қалатын әрі әмбебап жарнама қажет болды, барлық елдерді іс жүзінде Жаңа жыл мерекесі біріктіретін болғандықтан, компания америкалық шығармашыл W. B. Doner агенттігіне жаңа жылдық ролик жасауды тапсырды.

Жарнамашылар миллиондаған адамдарға сүйікті сусынын әкеле жатқан жүк көліктерінің мерекелік керуені идеясын ұсынды. Роликті түсіру үшін әйгілі брендтердің жүк көліктері 30 мың электр шамымен безендірілді. Жарық пен арнайы әсерлер үшін аты шулы «Жұлдыздар шайқастарын» түсіруге қатысқан Industrial Light & Magic жауап берді.

Ел шінен шыққан Санта

Жыл сайын Coca-Cola өзінің жаңа жылдық роликтерін жаңартып келеді, десе де негізгі бейнелер өзгеріссіз қалды. XXI ғасырдың басына дейін Санта-Клаустың рөлін түрлі әртістер орындап жүрді, бірақ 2005 жылдан бастап жаңа жылдық жарнаманың кейіпкері Ұлыбританиядан шыққан кәсіпқой емес актер Джон Мур.

Оның тағдыр соқпағы Рождество ертегісін еске түсіреді. Ол өмірінде көптеген әралуан кәсіптерді байқап көрді: такси жүргізушісі, бармен болды, 77 жасында кенеттен британиялық супермаркеттер желісінің жарнамасында Санта-Клаустың рөлін сомдауға ұсыныс алды. Ролик шыққан күннің ертеңіне оған АҚШ-тан хабарласып, газды сусынның жарнамасында Сантаның рөлін ұсынды. Нәтижесінде Джон Мур Ұлыбритания мен АҚШ-тағы балалар мен тіптен кейбір ересектердің оны Санта-Клаустың шын өзі екеніне сенетіндей танымал болды. Жыл сайын Мур сыйлықтар туралы өтініштері бар қап толы хаттар алып жүрді.

Дәстүрлерге адалдық

Джон Мур кеткеннен кейін Санта-Клаустың бейнесі жарнамада соншалықты жиі байқалмайды. Алайда ашық жарқыраған шамдары бар жүк көліктерінен құралған жаңа жылдық керуен, сондай-ақ «Бізге мереке келеді» және Always Coca-Cola тіркесі өзгеріссіз қала бермек.

Дереккөз: phonoteka.org