АҚШ қор нарығындағы сауда-саттық Нью-Йорк бойынша сағат 9:30-дан 16:00-ге дейін өтеді. Бірақ биржаларда сондай-ақ негізгі сессия ашылғанға дейін және жабылғаннан кейін кеңейтілген сағаттар бар. Олар «Pre-Market» және «Post-Market» деп аталады (кейде post-market «After Hours» деп те атайды).
Осы кезеңдерде сіз де акцияларды сатып алып, сата аласыз, алайда мұндай сауданың бірнеше маңызды ерекшеліктері бар.
Пре-маркет және пост-маркет кестесі
АҚШ нарығында қосымша сағаттардың қашан басталатынын және аяқталатынын нақты айту қиын. Бір уақыт жоқ, түрлі биржаларда ол әр түрлі:
• Нью-Йорк қор биржасының (NYSE) сайтында алдын ала белсенділік Нью-Йорк бойынша таңғы сағат 6:30-да немесе таңғы сағат 7:00-де басталатыны көрсетілген. NYSE-дағы пост-маркет 16:00-ден 20:00-ге дейін созылады.
• NASDAQ ережелері бойынша пре-маркет Нью-Йорк бойынша таңғы сағат 4:00-де басталады. Пост-маркет 16:00-де басталып, 18:30-да аяқталады.
• Сондай-ақ, NYSE және NASDAQ-тен басқа, Штаттарда дамыған электрондық биржалар желісі бар (Electronic Communication Network, ECN). Оларда алдын ала және саудадан кейінгі сағаттардың кестесі де өзгеше болуы мүмкін.
Кез келген жағдайда неғұрлым «барабар» белсенділік әдетте пре-маркетте шамамен 8:00-ден 9:30-ға дейін және пост-маркетте 16:00-ден 17:30-ға дейін өрістейді. Пост-маркетте «қалыпты» сауда-саттық ұзағырақ жалғасуы мүмкін, себебі кейбір америкалықтарға оқудан немесе жұмыстан кейін кешке инвестициялау ыңғайлы.
• Сондай-ақ, кеңейтілген сағат кестесі сіздің брокерлік компанияңызға байланысты болуы мүмкін. Кейбір брокерлер, мысалы, Freedom Broker-те пре-маркет пен пост-маркетке нарық ашылғанға дейін және жабылғаннан кейін бір сағатқа қол жеткізу мүмкіндігін береді.
Пре-маркет пен пост-маркетте сауда жасаудың ерекшеліктері туралы блогымыздан оқыңыз Пре-маркет пен пост-маркетте сауда жасаудың ерекшеліктері