Single Stock ETF (жеке акцияларға Exchange Traded Fund) – инвесторларға әлемдік компаниялардың үлестік акцияларын сатып алуға және оларға ең аз салыммен инвестиция құюйға мүмкіндік беретін қаржы құралы.
Бұл қалай жұмыс істейді?
- Базалық активті сатып алу: Қордың басқарушы компаниясы компанияның бүтін акцияларын сатып алады (мысалы, TSLA).
- Бөлшектеу: акция бағасы көптеген бөліктерге бөлінеді (мысалы, 1/100 немесе тіпті 1/10 000).
- ETF шығару: бұл бөліктерге Single Stock ETF жарналары шығарылады.
- Қолжетімділік: Инвестор бір ETF жарнасы бір акцияға жүздеген доллар орнына бірнеше долларға немесе центке сатып ала алады. Қордың бағасы түпнұсқа акция бағасының динамикасын толығымен қайталайды.
Мысал (шартты) | Акция құны | ETF коэффициенті | 1 ETF жарнасының құны |
|---|---|---|---|
TSLA акциясы | ~$400 | 1/100 | ~$4 |
FRHC акциясы | ~$160 | 1/10000 | ~$0.016 |
Инвестор үшін артықшылықтар
Single Stock ETF бірқатар негізгі артықшылықтарды ұсынады, әсіресе бөлшек және ісін жаңа бастаған инвесторлар үшін:
- Қолжетімділік: «көгілдір фишка» (Amazon, Netflix, Tesla) акциясына кіру шегі төмендейді. Бірнеше доллардан ғана инвестиция салуға болады.
- Әртараптандыру: бөлшектеу аз капиталмен де бірнеше қымбат компаниялардың акцияларынан толыққанды портфельді қалыптастыруға және салымдарды сапалы бөлуге мүмкіндік береді.
- Салықтық жеңілдіктер: ITS сауда алаңында ұсынылған қорлар «Астана» халықаралық қаржы орталығында (АХ)О) тіркелген және Astana International Exchange (AIX) биржасында саудаланады. Осының арқасында жеке тұлғалардың осы қорлармен операциялардан түскен табыстары құн өсіміне салынатын салықтан босатылды.
- Қор комиссиясы (Total Expense Ratio, TER) жоқ: қор шығындарын жабатын жылдық комиссия инвесторлар үшін нөлге тең.
- Сауда мүмкіндіктері: өтімділігі жоғары құрал. Оны кез келген сәтте ұзартылған 18 сағаттық сауда сессиясында (Астана уақыты бойынша сағат 10:00-ден 3:45-ке дейін) сатуға болады.
Тәуекелдер мен ерекшеліктер
Single Stock ETF акцияны иелену сияқты тәуекелдерге ие, сондай-ақ кейбір ерекшеліктері бар:
- Нарықтық тәуекел: Single Stock ETF бір акцияның бағасын көрсетеді. Егер осы базалық акцияның бағасы құлдыраса, онда ETF бағасы да төмендейді. Бұл қорлар әртараптандырылған индекстік ETF-ге қарағанда құбылмалы.
- Иелену шектеулері: ETF пайларын иелену базалық компанияны (эмитентті) дауыс беруге немесе бақылауға рұқсат бермейді.
- Дивидендтер: егер компания дивидендтер төлесе, олар ETF пропорциясымен есептеледі, бірақ бөлу кезінде есептелген дивидендтерден центтің үлесі төленбейді.