Инвестициялық шолу №349. Үлкен үміттер

SRT акциясының динамикасы

Сатып алу себептері

Зерттеу бөлімшесін кеңейту. 2021 жылы Sartorius компаниясы 1994 жылы Фрайбург университеттік медициналық орталығының базасында құрылған CellGenix GmbH компаниясының бақылау пакетін сатып алды. 2026 жылдың басынан бастап бұл компания толығымен Sartorius тобының құрамына біріктірілді. Фрайбург қаласында Sartorius жасушалық және гендік терапия компоненттері бойынша жаңа құзырет орталығын ашты. Қызметкерлер саны шамамен екі есеге артып, 140 адамға жетті. Осы орталықта жаңа емдеу әдістерін қолдануға қажетті маңызды компоненттер өндіріледі. Стратегиялық маңызы жоғары бұл бағытқа 140 млн еуродан астам инвестиция салынды. Фрайбургтегі орталықты дамыту Sartorius компаниясының ғылыми-зерттеу және өндірістік желісін жаһандық деңгейде кеңейтуге бағытталған ұзақ мерзімді инвестициялық бағдарламасының бір бөлігі болып табылады. Компания органикалық өсімді жеделдетуді, бизнестің тұрақтылығын қамтамасыз етуді, жеткізілімдердің сенімділігін арттыруды және барлық өндірістік алаңдарда өнім сапасының жоғары деңгейін сақтауды мақсат етеді. Қазіргі уақытта әлемде әзірленіп жатқан дәрілік препараттардың жалпы көлеміндегі жасушалық және гендік терапияға арналған препараттардың үлесі шамамен 30%-ды құрайды.

Жетекші инвестициялық банктердің ұсынымдары. Қазіргі уақытта SRT акцияларын сегіз инвестициялық банк қамтиды. Олардың төртеуі, соның ішінде AlphaValue (мақсатты баға: 266 еуро), KeyBanc Capital (мақсатты баға: 445 еуро) және JP Morgan (мақсатты баға: 270 еуро), «сатып алу» ұсынымын береді. Үш банктің рейтингі «ұстау», ал біреуінікі «сату» деңгейінде. Акция бойынша орташа мақсатты баға 256,86 еуроны құрайды.

Техникалық көрініс. SRT котировкалары 2022 жылдың тамыз айынан бастау алатын төмендеу трендін бұзып өтті және қазіргі уақытта 200 еуро деңгейіндегі қарсылық шегін сынақтан өткізуде. Егер бұл деңгейден жоғары бекінсе, акция бағасының 230 еуроға дейін өсуі мүмкін.