Финансист №1 (29) 2023

Freedom Holding Corp. кірісті 38%-ға ұлғайтты

2023 фискалдық жылдың III тоқсанында, 2022 жылдың қазан-желтоқсаны, холдингтің кірісі $214,5 млн-ға жетті, +38% ж/ж. Бұл пайыздық кірістің 138%-ға, $80,2 млн-ға дейін өсуі есебінен болды. Freedom Holding Corp. таза пайдасы 16%-ға, $62,4 млн-ға дейін өсті. EPS $1,38 құрады. Клиенттік брокерлік шоттардың саны 31 қазандағы 310 мыңнан 31 желтоқсанда 346 мыңға дейін артты.

Қазақстанда инвесторлар үшін жаңа сауда алаңы ашылады

«Астана» халықаралық қаржы орталығының базасында ITS платформасы іске қосылады, онда инвесторлар мыңдаған ірі халықаралық компаниялардың акцияларымен операциялар жасай алады. Бұл ретте алаң мәмілелер үшін ең жақсы жағдайларды қамтамасыз ету үшін әлемдік биржалардың өтімділігін біріктіреді. Freedom Holding Corp. — ITS капиталында 10% үлесі бар жобаның тең иелерінің бірі.

Тимур Турлов Қазақстан шахмат федерациясын басқарады

Оның басшылығымен федерация ел Президенті алға қойған шахмат секцияларының санын қазіргі 7 мыңнан 14 мыңға дейін ұлғайту міндетін іске асыруы, сондай-ақ елде спортты танымал ету жөніндегі жұмысты жалғастыруы тиіс.

Суретте: Freedom Finance Global PLC баспасөз қызметі

Freedom Broker Арал теңізіндегі оазисті қалпына келтіруде

Компания Арал теңізінің құрғаған түбіндегі экожүйені қалпына келтіру бағдарламасын қаржыландырады. Жоба арқылы өңір тұрғындары өсімдік өсіретін шағын кәсіпорындар құра алады, сондай-ақ оазис аумағын қорғауға және кеңейтуге қатыса алады.

Freedom Broker — 2022 жылы қазақстандық облигацияларды орналастыру бойынша көшбасшы

Cbonds қорытынды рэнкингіне 1,13 трлн теңгеге 52 мемлекеттік бонд шығарылымын орналастырған 11 ұйымдастырушы кірді. Эмиссияның жалпы көлеміндегі Freedom Broker үлесі 391,04 млрд теңгені құрады.

Freedom Broker KASE-ден сегіз марапатқа ие болды

«Фридом Финанс» АҚ 2022 жылдың қорытындысы бойынша Қазақстан қор биржасының, KASE, сегіз номинациясымен марапатталды, оның ішінде акциялар мен облигациялар нарығындағы жылдың андеррайтері және маркетмейкері, үздік қаржылық кеңесші, акциялар, корпоративтік және мемлекеттік облигациялар нарығының көшбасшысы ретінде аталды. Жасалған мәмілелер мен тартылған клиенттер санының өсуі ерекше атап өтілді.

Freedom Holding Corp. америкалық Maxim Group инвестбанкін сатып алуда

$400 млн көлеміндегі мәміле өзінің жеке қаражаты мен қарапайым FRHC акциялары есебінен қаржыландырылады және холдингтің АҚШ-тағы позициясын нығайтып, оның өнімдер желісі мен клиенттік базасын кеңейтеді.

Freedom Holding Corp. Ресейден кетті

Freedom Finance топ-менеджерлерінің бірі Максим Повалишин жергілікті активтерді шамамен $140 млн-ға сатып алды. Бүгінгі таңда холдинг Ресейде қызмет жүргізуден толығымен бас тартты.

Freedom Holding Corp. инвестконференциялар үшін платформаны сатып алуда

Freedom Holding Corp. инвесторлардың қатысуымен small-cap эмитенттерінің конференцияларын өткізуге арналған LD Micro платформасын сатып алу бойынша SRAX-пен мәмілені жапты. LD Micro мамандарының күшті сараптамасы мен тәжірибесі АҚШ эмитенттерінің тізімін Freedom Holding аналитикалық қамтуында кеңейтуге мүмкіндік береді, бұл бизнестің өсу драйверлерінің біріне айналады.

Freedom Finance Europe Афина биржасына шықты

Freedom Holding еуропалық бөлімшесі қатысу географиясын кеңейту стратегиясының бөлігі ретінде Афина қор биржасының бағалы қағаздар нарығындағы сауда-саттыққа қатысушы мәртебесін алды. Нәтижесінде Freedom Finance Europe клиенттері Грецияның қор алаңдарында тікелей мәмілелер жасауға мүмкіндік алды.

S&P Freedom Holding Corp. еншілес компанияларының рейтингін көтерді

S&P Global Ratings «Фридом Финанс» АҚ, Freedom Finance Europe Ltd, Freedom Finance Global PLC және «Банк Фридом Финанс Казахстан» АҚ ұзақ мерзімді және қысқа мерзімді кредиттік рейтингтерін B/B- деңгейінен B/B деңгейіне дейін көтерді. Freedom Holding Corp. эмитентінің ұзақ мерзімді рейтингі В- деңгейінде сақталды. Холдингтің барлық компаниялары бойынша болжам — «тұрақты». Қазақстандық инвестициялық компания мен банктің ұлттық шкала бойынша рейтингтері kzВВ-дан kzВВ+-ге дейін көтерілді. Агенттік сарапшылары бұл шешімді холдингтің Ресейдегі операциялық активтерді сәтті сатуымен, сондай-ақ комплаенске байланысты тәуекелдердің төмендеуімен түсіндіреді.